ನೆರಳಿಗೆ ನೆರಳು!!!!!!!!!!

ಏಕಾಂತದಲ್ಲಿ ಮಾತಾಡಿದ
ಮೌನ,
ಮೇಘಗಳ ಘರ್ಷಣೆಗೂ
ಮೀರಿದ ಸದ್ದು!

ಕದ್ದು ಕೇಳಿಸಿಕೊಂಡರು
ಕೇಳದಂತೆ ಪಿಸುಗುಡುವ ಮನ,
ಸಾಲಿನಲ್ಲಿ ಸಾಗುವ
ಹೆಜ್ಜೆಗಳಲ್ಲೇನೋ ಕೊಂಕು,
ಡೊಂಕು ನೆಲದ್ದೋ ನಡೆವ ಪಾದಗಳದ್ದೋ! ?

ಕಣ್ರೆಪ್ಪೆ ಬಡಿದಾಗೊಮ್ಮೆ
ಮೂಡುವ ಕನಸು,
ಕಣ್ಣ ಬಿಡುವ ಮುನ್ನ ಮರೆಯಾಯಿತು,
ಕೂಗಿ ಹೇಳುವ ಕಾತುರವಿದ್ದರು
ಬಿಗಿದ ಕೊರಳು,ಬಿಗಿದಂತೆ ಉರುಳು

ಸೋಗಿನದ್ದು ಮನಸ್ಸು
ಸೆಳೆದು ಸರಪಳಿ ಹಾಕಿತ್ತು!
ಕಾರಣ ಹುಡುಕಲು ನೆನಪಾಯ್ತು
ಸೋಕಿತ್ತು ನೆರಳಿಗೆ ನೆರಳು!!!!!!!!!!
-ಶ್ರುತಿ